शेतकरी ओळखपत्र योजना : फार्मर आयडीसाठी अशी करा ऑनलाईन नोंदणी; इथे लगेच फार्मर आयडी कार्ड डाउनलोड करा..,

Agristack Farmer ID Yojana 2025 :- सर्वांना नमस्कार, फार्मर आयडी अर्थात शेतकरी ओळखपत्र नोंदणी कशी करावी तसेच हे कार्ड डाउनलोड कसे करावे या संदर्भात माहिती जाणून घेवूयात. ज्या पद्धतीने नागरिकांना आधार कार्ड मिळाले आहे अगदी त्याच पद्धतीने आता शेतकऱ्यांना सुद्धा शेतीसाठी असलेले स्वतंत्र डिजिटल आयडी कार्ड मिळणार आहे.

ॲग्रीस्टॅक या केंद्रशासनाच्या उपक्रमाअंतर्गत हे ओळखपत्र म्हणजेच फार्मर आयडी शेतकरी बांधवाना दिले जाणार आहे. शेतकऱ्यांची संपूर्ण माहिती एकत्रित करणे हा या योजनेचा उद्देश आहे. सर्व माहिती एकत्र असल्यामुळे भविष्यामध्ये विविध कागदपत्र देण्याची गरज भासणार नाही.

ॲग्रिस्टॅक योजनेअंतर्गत फार्मर आयडीसाठी ऑनलाईन नोंदणी कशी करायची? जाणून घ्या सविस्तर माहिती !

ॲग्रिस्टॅक हे कृषि क्षेत्रात डेटा आणि डिजिटल सेवा वापरुन शासनाच्या विविध योजनांचा लाभ पात्र शेतकऱ्यांपर्यंत जलद गतीने व परिणामकारकरित्या पोहचण्यासाठी स्थापित केले जाणारे डिजिटल फाउंडेशन आहे. कृषि क्षेत्रासाठी सर्वसमावेशक डिजिटल पायाभूत सुविधा निर्माण करणे हा ॲग्रिस्टॅक (Agristack Farmer ID) उपक्रमाचा उद्देश आहे.

या प्रकल्पामुळे माहिती आधारित योग्य निर्णय घेणे, गरजू शेतकऱ्यांना योग्य वेळी सेवा प्रदान करणे, कृषि उपक्रमांची कार्यक्षमता सुधारणे शक्य होईल. विविध शेतकरी आणि कृषि-केंद्रित योजनांची आखणी करणे व अंमलबजावणी करणे सुलभ होईल.

ॲग्रिस्टॅक फार्मर आयडी योजना – Agristack Yojana 2025 :

राज्यातील कृषि क्षेत्रात डिजिटल सेवांचा वापर करुन शासनाच्या विविध योजनांचा जलद गतीने व परिणामकारकरित्या लाभ शेतकऱ्यांना देणे सुलभ व्हावे याकरीता केंद्र शासनाची ॲग्रिस्टॅक (Agristack Farmer ID Yojana – Digital Public Infrastructure for Agriculture) योजना राज्यात राबविण्यास मान्यता देण्यात येत आहे.

कोणाला मिळणार शेतकरी ओळखपत्र –
ज्या शेतकऱ्यांकडे जमिनीचा मालकी हक्क आहे अशा शेतकऱ्यांना हे फार्मर आयडी कार्ड मिळणार आहे.
सदरील शेतकरी हा महाराष्ट्र राज्याचा रहिवाशी असावा.
शेतकरी बांधवांचे नाव सातबारा उताऱ्यावर असणे आवश्यक आहे.
वरील शेतकऱ्यांना ॲग्रीस्टॅक उपक्रम अंतर्गत फार्मर आयडी कार्डसाठी ऑनलाईन नोंदणी करता येणार आहे.

ॲग्रिस्टॅकफार्मर आयडी योजनेचे फायदे – Benefits of Agristack Farmer ID 2025:

१. पीएम किसान योजनेंतर्गत अनुदान प्राप्त करण्यासाठी आवश्यकतेच्या अटी पूर्ण करून लाभ प्राप्त करण्यामध्ये सुलभता येईल.

२. पीएम किसान योजनेंतर्गत पात्र सर्व लाभार्थी समाविष्ट करुन घेण्यास सहाय्य मिळेल.

३. शेतकऱ्यांना पिकासाठी कर्ज मिळवण्यासाठी किसान क्रेडिट कार्ड आणि कृषि इन्फ्रास्ट्रक्चर फंड व शेतीच्या विकासासाठी इतर कर्ज उपलब्ध करुन घेण्यात सुलभता राहील.

४. पिक विमा तसेच आपत्ती व्यवस्थापन अंतर्गत शेतकऱ्यांचे देय नुकसान भरपाईसाठी शेतकऱ्यांचे सर्वेक्षण करण्यात सुलभता येईल.

५. किमान आधारभूत किंमतीवर खरेदीमध्ये शेतकऱ्यांचे नोंदणीकरण ऑनलाईन पध्दतीने होऊ शकेल.

६. शेतकऱ्यांसाठी कृषि कर्ज, वित्त, निविष्ठा आणि इतर सेवा देणाऱ्या यंत्रणांना कृषि सेवा सहजपणे उपलब्ध करुन देण्यासाठी सुलभता येईल.

७. शेतकऱ्यांना विविध सरकारी योजनांचा लाभ घेण्यासाठी, कृषि व संलग्न विभागांना शेतकऱ्यांचा व त्यांच्या शेतांचा आधार संलग्न माहिती संच (फार्मर रजिस्ट्री) च्या उपलब्ध आकडेवारीच्या आधारे योजनांचा लाभ वितरीत करण्यामध्ये सुलभता येईल आणि लाभार्थ्यांची वारंवार प्रमाणिकरणाची आवश्यकता राहणार नाही.

८. शेतकऱ्यांना वेळेवर कृषि विषयक सल्ले, विविध संस्थांकडून शेतकऱ्यांना संपर्क करण्याच्या संधीमध्ये वाढीसह नाविन्यपूर्ण कार्यक्रमांच्या विस्तार-प्रचारात सफलता प्राप्त होईल.

शेतकरी स्वतः करू शकतील का नोंदणी
फार्मर आयडी अर्थात शेतकरी ओळख पत्र ऑनलाईन नोंदणी शेतकरी सुद्धा करू शकतील तसा पर्याय पोर्टलवर देण्यात आलेला आहे.
परंतु सध्या तरी सीएससी केंद्रावर जावून शेतकरी बांधवाना नोंदणी करावी लागणार आहे. नोंदणी केल्यानंतर अर्जाची सध्यस्थिती शेतकरी स्वतः तपासू शकतील.

ॲग्रिस्टॅक योजनेअंतर्गत / शेतकरी ओळखपत्र योजना फार्मर आयडीसाठी ऑनलाईन नोंदणी करण्याची प्रोसेस – Agristack Farmer ID:

ॲग्रिस्टॅक योजनेअंतर्गत फार्मर आयडी (Agristack Farmer ID) काढण्यासाठी खालील वेबसाईवर क्लिक करा.

https://mhfr.agristack.gov.in/farmer-registry-mh/#  किंवा येथे क्लिक करा.

नवीन वापरकर्ता खाते तयार करा:

वेबसाईट ओपन केल्यानंतर उजव्या बाजूला Log in as मध्ये दोन पर्याय दिसतील, त्यापैकी Farmar या पर्यायावरती क्लिक करून खालील Create new user account वरती क्लिक करायचे आहे.

त्यानंतर एक नवीन पेज ओपन होईल त्यामध्ये Aadhaar e-KYC साठी आपला आधार नंबर प्रविष्ट करून सबमिट या बटनावर क्लिक करायचे आहे.

पुढे आपल्या आधार नंबरला लिंक असलेल्या मोबाइल नंबर वर OTP पाठविला जाईल तो OTP प्रविष्ट करून Verify बटनावरती क्लिक करायचे आहे.

त्यानंतर नवीन पेज वरती Verified OK असा मेसेज येईल व तुमचा आधार नंबर, नाव, वय, लिंग, जन्मतारीख ही आधार कार्ड वरील संपूर्ण माहिती तुम्हाला दिसेल.

त्यामध्ये खाली Provide Mobile Number to Link with Agristack Platform या पर्यायामध्ये मध्ये आपण Farmar ID साठी जो मोबाईल नंबर लिंक करायचा आहे तो नंबर येथे प्रविष्ट करायचा आहे व जो OTP येईल तो टाकून Verify बटनावरती क्लिक करायचे आहे.

त्यानंतर तुम्हाला पासवर्ड सेट (Set Password) करायचा आहे व Create My Account  या पर्याया वरती क्लिक करायचे आहे नंतर स्क्रीन वरती एक Confirmation येईल त्यामध्ये तुमचा अकाउंट तयार झाला आहे असे दाखविले जाईल तिथे OK या बटनावरती क्लिक करायचे आहे.

लॉग इन करा:

त्यानंतर पुन्हा वेबसाईट वर येऊन Farmer या पर्याया वर क्लिक करून मोबाईल नंबर, OTP, पासवर्ड, captcha Code टाकून Log in या पर्याया वरती क्लिक करायचे आहे.

Log in झाल्यावर खाली Register as Farmer या पर्यायावरती क्लिक करायचे आहे, क्लिक केल्यानंतर तुम्हाला एक Confirmation येईल त्यामध्ये जर तुम्हाला मोबाइल नंबर बदलायचा असेल तर Yes वर क्लिक करा किंवा नसेल तर No वरती क्लिक करा.

त्यानंतर खाली तुमची माहिती येईल ती माहिती बरोबर आहे का ते सर्व चेक करायचे आहे, तसेच खाली तुमचा फोटो दिसेल तो चेक करून तुमचा New Business आहे का असेल तर Yes करा नसेल तर No करा.

त्यानंतर Land Holder Details मध्ये Owner टाकायचे आहे व Occupation Details मध्ये Agriculture मध्ये क्लिक करायचे आहे.

त्यानंतर Fetch Land Details वरती क्लिक करायचे आहे तिथे आपल्याला जमिनीची माहिती टाकायची आहे यामध्ये ज्या ठिकाणी तुमची जमीन आहे त्या ठिकाणचा जिल्हा, तालुका व गाव टाकून sarvey नंबर टाकून सर्च करा.

त्यानंतर तुमच नाव तुम्हाला select करायचे आहे, पुढे तुमची सर्व माहिती तुम्हाला दाखवली जाईल. त्यामध्ये काही माहिती तुम्हाला Add करायची असेल तर ती करू शकता.

त्यानंतर खाली Land Details वर क्लिक करून तुम्हाला जर अजून सातबारा add करायचा असेल तर करू शकता व Verify All Land वरती क्लिक करायचे आहे त्यामध्ये Social Registry Details मध्ये Family ID टाकायचा असेल तर टाका किंवा सोडून द्या.

त्यानंतर Department Approval मध्ये Agriculture सिलेक्ट करा व I agree सिलेक्ट करून Save वरती क्लिक करा. नंतर स्क्रीन वरती एक Confirmation येईल त्यामध्ये Proceed to E – Sign वरती क्लिक करा.

त्यानंतर तुम्हाला इथे आधार Details टाकायची आहेत व OTP टाकायचा आहे. व सबमिट बटनावरती क्लिक करायचे आहे. येथे तुमची डिजिटल KYC पूर्ण होईल. डिजिटल KYC पूर्ण झाल्यानंतर कोपऱ्यामध्ये Farmer Enrollment ID दिसेल.

त्याच्या बाजूला Download PDF वरती क्लिक करून Farmer Enrollment ID Details Download करून ठेवायची आहे जोपर्यंत आपला Agristack Farmer ID Approved होत नाही.

या लेखात, आम्ही ॲग्रिस्टॅक योजनेअंतर्गत शेतकरी ओळखपत्र योजना फार्मर आयडीसाठी (Agristack Farmer ID) ऑनलाईन नोंदणी कशी करायची? विषयीची संपूर्ण माहिती दिली आहे. मला आशा आहे की तुम्हाला हा लेख आवडला असेल. तुम्हाला हा लेख आवडला तर नक्की शेअर करा. तुम्हाला या लेखाबद्दल काही प्रश्न असल्यास, कृपया टिप्पणी द्या.